ა(ა)იპ სარკინიგზო ტრანსპორტის კოლეჯი შეუერთდა აუტიზმის შესახებ ცნობადობის ამაღლების მსოფლიო დღის აღნიშვნას, რომლის ფარგლებშიც ჩატარდა საინფორმაციო შეხვედრა. ლექციას გაუძღვა ნეიროგანვითარების ცენტრის სუპერვაიზერი - მაკო გაგნიძე.

  შეხვედრა მიზნად ისახავდა პროფესიული სტუდენტების, პედაგოგიური პერსონალისა და ადმინისტრაციის წევრების ცნობიერების ამაღლებას, ინფორმირებულობას და მიმღებლობის ზრდას აუტიზმის სპექტრის შესახებ. პრეზენტაციის დასრულებას მოჰყვა განხილული საკითხების კითხვა-პასუხით შეჯამება.

  სარკინიგზო ტრანსპორტის კოლეჯი განაგრძობს მსგავსი ინიციატივების მხარდაჭერას და ინკლუზიური გარემოს შექმნას, სადაც ყველა ადამიანს ეძლევა განვითარებისა და წარმატების თანაბარი შესაძლებლობა.